slideshow 1 slideshow 2 slideshow 3

03 október, 2011 - Alþjóðleg aðgerð gegn sölu á fölsuðum og ólöglegum lyfjum á netinu

Nýlega lauk viðamikilli alþjóðlegri aðgerð (Pangea IV) gegn sölu á fölsuðum og ólöglegum lyfjum á netinu. Aðgerðin var skipulögð af WCO og Interpol og stóð hún yfir dagana 20-27 september. Aðgerðin er sú stærsta sem skipulögð hefur verið af þessu tagi og tóku 81 lönd þátt í aðgerðinni. Í aðgerðinni var m.a. lagt hald á u.þ.b. 8000 sendingar og 2.4 milljónir taflna voru gerðar upptækar. Jafnframt var u.þ.b. 13,500 sölusíðum lokað í framhaldinu. Meðal þeirra lyfja sem gerð voru upptæk voru fúkkalyf, krabbameinslyf, þunglyndislyf, flogaveikislyf, megrunarlyf og fæðubótarefni.

03 október, 2011 - Fölsuð Casio úr til sölu á íslenskum vefsíðum

Í sumar hefur töluvert borið á vefsíðum t.a.m. facebook sem gerðar eru útaf íslenskum aðilum og auglýsa þeir fölsuð Casio tölvuúr til sölu sem ekta. Þessi úr eru í skærum litum með dökkum ramma í glerinu. Ekta Casio úr frá framleiðanda hafa ekki þennan dökka ramma heldur er ramminn í glerinu samlitur ólinni og kassanum. Casio úr eru eingöngu seld á Íslandi hjá viðurkendum aðilum sem veita alhliða þjónustu.

17 ágúst, 2011 - Ráðstefnan „The importance of Intellectual Property Rights

Einkaleyfastofan fagnar 20 ára afmæli sínu á árinu 2011. Af því tilefni mun stofnunin halda ráðstefnu í Kaldalóni, sal tónlistar- og ráðstefnuhússins Hörpu í Reykjavík þann 18. ágúst 2011. Yfirskrift ráðstefnunnar er „The importance of Intellectual Property Rights“

Mikið af fölsuðum malaríulyfjum í umferð

Þriðjungur allra malaríulyfja sem notuð eru í heiminum í dag eru fölsuð. Þetta leiðir ný rannsókn í ljós sem fjallað er um í læknablaðinu The Lancet. Í ljós kom að í mörgum tilfellum sé um lélegar eftirlíkingar að ræða en í sumum einfaldlega um gagnslaus efni að ræða. Þetta valdi því að verr gangi að hefta útbreiðslu sjúkdómsins auk þess sem æ erfiðara verði að vinna bug á honum með hefðbundnum lyfjum. Rannsóknin náði aðeins til Afríku og Suðaustur-Asíu en ekki til Kína og Indlands og óttast menn að ástandið þar sé síst betra.

Pages

Theme by Danetsoft and Danang Probo Sayekti inspired by Maksimer